460
REGISTRES DU BUREAU
[i564]
suffisant pour faire lad. recepte aud. Tours, ce qu'il auroit faict de la personne de Honnoré Chauveau, l'un de ses clercs, lequel se seroit loyaulment ac­quité en lad. charge depuis deux ans en ça; a esté par nous ordonné que led. Phelipeaux continuera le faict et exercice de lad. commission pour la recepte des deniers desd, greniers, aux charges et conditions contenues ausd, lectres patentes du Roy, et oultre à la charge, et de son consentement, qu'il sera tenu employer au faict d'icelle commission led. Chauveau, et pour ce faire, luy haillera par chascun an la. somme
de cent escus soleil, payable par quartiers. Aussi payera led. Chauveau ses journées et vaccations, quand il fera la conduicte des deniers en ceste Ville, à la raison que le Roy en paye, et sera tenu led. Phelipeaux faire réitérer par devant mess" les Esleuz à Tours l'obligation des cautions qu'il a cy devant baillées, et sans inovation ou dérogation de la pre­cedente obligation, hipotecque et submissions que lesd, cautions en ont faictes, lesquelles en ce faisant demoureront en leur force et vertu et ypotecque, du jour et dacte qu'elles sout cy devant passées.
DCLXVII. — Arrest de la Court. [Opposition de Nicolas. Lemaistre, conseiller au Parlement.]
HaCQ.UEBUT.ES À CROCQ ET FAULCONNEAULX RENDUZ AU S* DE LONGJUMEAU..
6 septembre 1564. (H 178/r, fol. 263 v°.)
Extraict des registres, de Parlement.
"Veu par la Court la requeste à elle presentée-par les Prevost des Marchans et Eschevins de ceste ville de Paris, contenant qu'ilz auroient esté ad-vertiz que au jardin du chasteau de Chailly, appar­tenant au seigneur de Longjumeau, y avoit quantité de pieces d'artillerie cachée en terre, et de faict, le xvii6 jour de ce mois, auroit esté trouvé aud. jardin-cinq pieces de campagne et quatre hacquebuttes à crocq enterrées et. cachées, lesquelles auroient esté admenées en l'Hostel de lad. Ville aux fraiz et des­pens des supplians, requéraient lesd, pieces d'artil­lerie leur estre confisquées, les conclusions du pro­cureur general, ce consentant,, certaine requeste non signée, presentée aud. Prevost des Marchans soubz le nom des manans et habitans.de Montlhery, pre-tendans lesd, pieces d'artillerie leur apartenir et leur avoir esté ostées par les ennemys de la foy,' avec leur attestation receue par deux notaires royaulx en la prevosté dud. Monthlery, y attachée, ét tout consi­deré, lad. Court, sans s'arrester à lad. requeste, a declairé et declaire lesd, cinq pieces de campagne et quatre harquebuzes à crocq acquises au Roy ^demou­reront neanlmoings es mains desd, supplians pour servir à la garde de ceste Ville, en ce non comprins
les pieces qui' seront trouvées avoir [appartemi à] feu m? Gilles Lemaistre, en son. vivant conseiller du Roy et premier president en icelle Court, et avoir esté prinses-en sa maison Sainct Cherl, lesquelles seront rendues à.ses heritiers. Faict en Parlement, le xx.vn0 jour de Febvrier 1562 fJ).»
Signé : Dutillet.
. M* Nicolas Lemaistre '2>; conseiller du Roy, s'est opposé et oppose à ceque les harquebuze&.à crocq et aultres pieces qui ont appartenu à feu mc Gilles Le­maistre, son pere, en son vivant chevalier, conseiller du Roy et son premier president en icelle Court, soient rendues ou livrées à aultres que aux enffans dud. feu seigneur president, suyvant l'arrest du xxvn° Febvrier 1562, de laquelle opposition il nous a re­quis ce present acte, que luy avons octroyé, et pour la veriffication de sad. opposition, a exibé l'arrest de la Court, duquel a laissé coppie, ensamble quatre qui ont esté laissées au Bureau de lad. Ville, le xve Septembre 1564.
Au jour d'huy, Mess™ ont envoyé vers monsr de Choisy Lemaistre, conseiller en la Court, pour venir recongnoistre les pieces d'artillerie,faulconneaux ou hacquebuttes a crocq estans en l'Hostel de lad. Ville,
(1)   Cet arret se trouve dans le registre du Conscil; il a été cancellé par ordre de la Cour, comme tous les arrêts de la même époque concernant la religion prétendue réformée. (Archives nationales, Parlement de Paris, X1" i6o4, fol. 364 v°.)
(2)   Nicolas Lemaitre, deuxième fils du premier président Gilles Lemaitre et de Marie Sapin, conseiller au Parlement depuis le 5 juillet i555, était possesseur de nombreux bénéfices ecclésiastiques, chanoine de Notre-Dame de Paris, aumônier ordinaire du Roi, prieur de Choisy en Brie et de Saint-Georges de Montaigu en Poitou; il décéda le 23 mai 1568 et. fut inhumé aux Cordeliers de Paris, oà ses père et mère avaient leur sépulture.